LF-FC СУТЕКТІ ОТЫН ҰЯШЫҚТАРЫ БАР СЕДАН Аса сәнді LF-FC жаңа буын концепт-кары 2015 жылғы Токио автосалонында көпшілікті таңғалдырды, дәл сол жерде революциялық технологияларға ие осы өкілдік седанның таныстырылымы өтті.
ТАҢҒАЛДЫРАТЫН ҚАРАПАЙЫМДЫЛЫҚ Әсерлі артқы шамдарының үш қырлы жаңа пішіні LF-FC үлгісіне тән қалықтау эстетикасын көрсетеді. Осы бірегей концепт-карға бүйірінен қарап, сіз оның сызықтарының батыл геометриясын аңғарасыз. Тек осы қырынан LF-FC-дің шынайы мінезі ашылады.
ПРОГРЕССИВТІ ДИЗАЙН LF-FC тек тік жолдармен жүру үшін ғана жобаланбаған. Бірқалыпты төбесінің арқасында бұл үлгі анағұрлым күрделі әрі бұралаң жолдарда жүргізу ләззатын сыйлайды. Көміртекті талшықпен күшейтілген пластик тоғыны бар 21 дюймдік алюминий дискілер LF-FC-дің динамикалық кескініне айрықша стиль береді.
АБСОЛЮТТІ СӘН-САЛТАНАТ Салон екіге бөлінген, жоғарғы бөлігі жүргізушінің өзін еркін сезініп, жолға мұқият болуын қамтамасыз ету үшін кеңдік сезімін береді. Анилинді былғарымен қапталған алдыңғы орындықтар есік пен аспаптар панеліне байқатпай өтуінің арқасында, ауада қалқып тұрғандай әсер қалдырады.
ОТЫНДЫҚ ҰЯШЫҚТАРЫ БАР КҮШТІК ҚҰРЫЛЫМ Бұл толық жетекті концепт-кар айналу сәтінің алдыңғы және артқы дөңгелектер арасына дәл үлестірілуін қадағалаумен қамтамасыз етеді. LF-FC үлгісінің оңтайлы салмақ үлестіруі автокөліктің артқы бөлігіндегі отын элементтерінің, алдыңғы бөлігіндегі басқару блогының, солардың арасындағы сутекті жанғышы бар баллонның орналасу есебінен мүмкін болды.
ТЕХНОЛОГИЯЛАРҒА ШЫҒАРМАШЫЛЫҚ ЖАҒЫНАН ҚАРАУ Жетілдірілген тану, жол жағдайын болжау және бағалау мүмкіндігіне ие автоматты жүргізу технологиялары қауіпсіз әрі тиімді қозғалысты қамтамасыз етеді – біз апатқа мүлде орын жоқ әлем құрамыз.